Posts
Grab your Form to study nupe/Gbagyi Language now ⏩
On the award the director in person of Adamu idris manarakis said; "Right from the inception of Nupe Language School, or probably from inception of kinnupe, nobody including myself have written a so lengthy Nupe Language Short Story like this before.
I must recommend our student for this outstanding feat. Don't just be a follow-follow, be a game changer."
READ HER STORY PLEASE
FOCI WO A GAN YA MI NYI O(When Would You Tell Me)?
Efo be danbo Nnadzwa ci nbo Nnahadi ci wa u be gan ah be a tinya lo eba efazhi, na ah da tu eba efa na ah lo na, Nda bagi ndoci ci be be zantso e, wunci gan be nyagban u nyi gan ke mi nya jinjin ci de egi na shi o da a na na o?. Oh, kasa"cincin wo a eza na e ba wo e na". Yinana ga mi le egi na e bami na ye o. Ndagi e gan dan nyagban u bo. Wunfe nakin ci e gangan"yezhi bo?" Nnadzwa zhe u gan a ebona da a man wunyi egi nade egwakan ahbe egi na kpe enya ndondo ya a kagan wunjin eti kpikpe bo a na a. Nnahadi fe zhegan gan"yi zhi na a". Ndagi gan ebo Soko kagan wo a zhe ewun a ki e yi ye nya o?. Nnahadi gan e yi mi Hadi ama e yi eya mi gan Nnadzwa. Ndagi gan eyi(Sunna) wangizhi ye de o,ye sa a ka eye naman ga leye ye na kpe ke egi nazhi wan mini a dan dagan nbona ye ye o na, naman ade eza bagi ndondo na wa gan wun leye ye o gogan na a,watoh de enya na mi nya wun a gan na yi koman de ya mi egi(number) nya eya wo e, wun a ba mi saranyi, mi man ga da emi wunmanyi be egi o nya, mi a da le ele wo a. Nnahadi fe yi egi Nnadzwa ya Ndagi, shibo u shi Ndagi de egi nyatsugi na wun la da wu nyamanci u zhi na ama ye gan wun jin egi wunci yawo a na, ebo ah gan egi wunci de wunwandan a, bagizhi wun e ce egwa ke eza zhe ewo ban na o. Ama de enya na dan eye u bo gan yizhe jin za na a.
br> Ndagi da tun emi na wunfe kpa ye zhi kakanyi, tosun wunma ye gan wun a zhe sanwogi fi Nnadzwa wo a, wunci o gan ya u ke wunde cincin ya u na a. Na egan be a kun na wunci zhe sanwogi fi u toh sanwomikagi kede wunga yi eza na ah leye eba efa o na, efo zuman batsozhi o na wunci ye gan wun a ya wun eye egan a na o. Nnadzwa fe gan u gan wun wo a ni, ki jin o? Egan man ye gan ya Ndagi a, ah de fe gangan be dozhi ninya Facebook o atatoh WhatsApp o ama tosun wun gan ya Nnadzwa gan wun nya e wa wun a. Ndagi ci a fyawuya ta enya na nyagban u tsa na o.
Nnadzwa ci be a ci a eye nyikpa kede eba sanwogi Ndagi zhi o ahde enya na wun e wa be eba wun na kede wun nya u la o zhe Nna nya egi u zhi na, ama nyagban mi bo mi e wa eza na de ewo na a, eza nade emizhi na a, eza nade zantsozhi na a, sayi ezana de kpikpe nya Nasara toh nya Qur'ani na, ezana de ekpyada na ahbe ezana e dzodzo be wunwun(adini) nya na. Oh, Soko mi la kpe ebojin nya eza bagi nana ye a ni, ke mi nya a jinjin na o?. Wunji, Nnadzwa be eti tacin u nyi.
Ah zaguba ci a fyawuya dan gbako enya na nyagban a tsa na o. Ndagi taya eya u zhi ah man tuzuman egan wunci saranyi ebona sashizhi gan ah kpe Nnadzwa ye ke eza guru wun ya o, egi nade kpikpa ge na ahbe egi na e dzodzo be kpikpe nya na e nya Nasara toh nya Qur'ani.
Zuman efo zhi o Ndagi gabe ele nyi le zhi wun e ye le a ebo yekpa Nnadzwa o. Nnadzwa o tso gabe ele nyi le zhi wun e ye le a ebo yekpa Ndagi o toh enazhi kakanyi o. Nnadzwa ci be a gan ya Nnahadi ke wun nya de cincin na dokuna ya Ndagi na. Eya o ci yi o epagi(Shaura)ke wun da o la o gan o ya Nyamanci u zhi na aga eko ya ke wun la Ndagi o tin u ya na toh, kagan ama ya yeko a toh. Nnadzwa gan Nnahadi! Nnahadi!! Nnahadi!!! Zugukin mi yi wo e nya o? Hadi gan, zuguta a, wungan toh wun a ye jin ya mi nya a ebona wun jin Nyizagi ga gonyi u ka emi nyi kpe gan wun e wa bagi a ebo egwa gan o. Hadi gan mi kpe ni ama na wo a fyawuya(Wala) dan egan cincin o na fa?. Nnadzwa gan ga gan mini o sun man, Etsu Soko ga yi jin ya dozhi konkonyi danbo a, yi ga dozhi de ama natso ge gan na wunga mi nya da tsun o wunga man yi enya ba loba Soko o, ebo wunde ba o jin natso sa a ci ke gegan na o ya mi.
Dagan na Nnadzwa ci a enya nyiba(Aduwa)na, wunga shishi wun a fe ti egi wunci a fe gangan"Foci wo a gan yami nya o?". Mi nya fyawuya dan egan cincin wo bo, mitso man kpe ke wotso acin na ama foci o tso wo a gan ya mi nya o?. Na Nnadzwa yi shi baga o na ga Hadi be be eya o na le ezasangi(photo) nya Nnadzwa ye ewudaka o na, watoh Facebook o na gan wun e wa Nnadzwa wunma yi be efo jin nya aga yawo jin. Nnadzwa man a emigo eti acin o, baga o ga a wun ta eye le Ndagi ye be dagan ebakpako bo, wunfe nakin gi gbaro wungan"ki wo e be nyi wazhi emi yi bo?, zhi wu wo e ba emi yi nyo?, ki la wo be o?. Ndagi fe zhe Nnadzwa gan be nyagbanfa e gan mi be be nyi gan ya wo zhi gan mi e wa wo e, wunma a yi be efo jin nya yi ga a yawo jin. Nnadzwa toh Nnahadi fe zhegba fi egiti, Ndagi fe gbin a gan gan ki jin o?, Nnadzwa gan wo a mi jin gun, na wo e kpe ke wo e wa mi na, kila woci dada gan ya mi nya nyo, ari eza gi na ci a wo e shidzo o?. Mi nya fyawuya ta eti emi yizhe o fe gbin mini mi gan gan foci wo a be gan ya mi nyo?, sayi na eka a go wo e gan na ga wo be ganci o. Oh, Soko ke mi nya jinjin na o, ezana kanyi gan ya mi gan wun e wa mi na, mi nya wa o kashi ezana a jin fo be cincin minyi wunma gan yami wo a na?.
Zawangizhi na kena a keto yetso. Soko a jin wangi... Gboroci
Enyakaci: AISHA HUSSAINA.
Post a Comment